ღვთიური ენერგიის გამტარი.

 

როცა სიკეთეს გაგიკეთებენ შეეცადე ეს სიკეთე ათმაგად და ასმაგად გადაიხადო, ამით გახდები ღვთიური ენერგიის გამტარი დედამიწაზე.

იმის თქმა მინდა კიდევ, რომ კი არ დათვლი რამდდენ სიკეთეს გააკეთებ, უბრალოდ იცხოვრე სიკეთით. სიტყვები ათმაგი და ასმაგი არის ის, რომ უფრო გასაგები გახდეს ეს მდგომარეობა.

ღვთიური ენერგიის შემოტანა დედამიწაზე,–აი უმთავრესი ჩვენი მისია და დავალება.

იფიქრეთ ღვთაებაზე ყოველ დღე, ყოველ საათს, ყოველ წუთსა და ყოველ წამს.

ჩვენთან არს ღმერთი!!!

გზა

გზა ისაა, რომ რაც არ უნდა მოხდეს, მუდმივად სინათლისკენ უნდა იარო. არ უნდა დაკარგო შენი გზა, უნდა გახსოვდეს რისთვის გაჩნდი.
მუდმივად ნათელი უნდა ეძებო, ყოველ წუთს, ყოველ წამს, ყოველ საათსა თუ დღეს, მხოლოდ შინაგანი სისუფთავე უნდა გააძლიერო, ღმერთზე იფირო. როცა ასე იქცევი სამყარო შენი მეგობარი ხდება და გისმენს.
ეკლესიაში გაგვიგია ხშირად,– „ღვთის მორჩილება“, ეს სიტყვები ბევრს აღარ გვესმის, მაგრამ ესაა გზა. ერთგვარი შინაგანი ამპარტავნობის დაძლევა, შენში ღმერთის გაზრდა, შენში სიყვარულის გაზრდა არის გზა. არ უნდა დავკარგოთ გზა, უნდა მივყვეთ.
ღმერთს ჩვენი ესმის, ყოველთვის ესმის, მუდამ გვისმენს, რადგან ის ჩვენშია. უბრალოდ ჩვენ მას ვივიწყებთ და ვმარხავთ ჩვენს სიღრმეებში. გზა ისაა სწორედ მასთან ვიყოთ ახლოს. ღმერთი მოვძებნოთ ჩვენში.
ესაა სწორი გზა, არ გადავუხვიოთ, არ დავკარგოთ. ჩვენს ხელშია სწორ გზაზე სიარული. ჩვენი გონების ხელში. მოვუსმინოთ გულს და გამოვიყენოთ გონება.
გისურვებთ ყველას ადამიანებო გეპოვოთ გზა. გეპოვოთ გზა, რომელიც ღმერთთან მიგიყვანთ.

მე ვარ ანგელოზი!

მე ვარ ანგელოზი,–

       გაჩენილი ციდან.

მე ვარ სიყვარული,–

        მოვლენილი ღვთისგან.

შევიყვარო ყველა,–

ჩემი დავალება,

ღმრთისგან დავალება,–

მინდა ავასრულო.

შევიყვარო ყველა,–

ღმრთისა საიდუმლო,

სიყვარულის მზერა,–

უნდა მე გავზარდო.

მე ვარ ანგელოზი,–

       გაჩენილი ციდან.

მე ვარ სიყვარული,–

        მოვლენილი ღვთისგან.

შევიყვარო უნდა

მთელი, მთელი ძალით.

გავიღიმო უნდა

სიყვარულის მზერით.

სიყვარული გულში

უნდა ჩაიღვაროს,

გული სიყვარულის

სითბომ გადაავსოს.

მე ვარ ანგელოზი,–

       გაჩენილი ციდან.

მე ვარ სიყვარული,–

        მოვლენილი ღვთისგან.

მზერა სიყვარულის

ირგვლივ მიმოვფინო,

თბილი გულის ძალა,–

ყველას ვაგრძნობინო.

ყველას ვაპატიო,

ყველა შევიყვარო,

მხოლოდ კარგი მხარე,–

მათში დავინახო.

მე ვარ ანგელოზი,–

       გაჩენილი ციდან.

მე ვარ სიყვარული,–

        მოვლენილი ღვთისგან.

11,12,2019 ოთხშაბათი

ყველაფერი რაღაც კარგისათვის ხდება!!!

ყველაფერი, რაც ხდება,–რაღაც კარგისათვის ხდება!
აფიმაცია თუ სინამდვილე... ეს ასეა...
მთავარია როცა რამე ხდება, მუდმივად ეძებეთ მასში მისი ნათელი მხარე. გახადეთ თქვენი ცხოვრება ნათელი. იყოს თქვენი თვალი სუფთა, რომ თქვენც იყოთ განათებულები და ბედნიერები.

„სხეულის ლამპარი თვალია; ჰოდა, თუ შენი თვალი სუფთაა, მთელი შენი სხეულიც განათებული იქნება.“ მათე6:22

ზღაპარი.

ცხოვრება ჯადოსნური ზღაპარია. ამ ზღაპრის ავტორები თქვენ ხართ. მაშ დაწერეთ თქვენთვის საყვარელი ზღაპარი 💓💓💓

გილოცავთ ახალ წელს!!!

დაე ამ ახალ წელს სიყვარულს ეზეიმოს მთელს დედამიწაზე!!! დაე დაიწყოს ადამიანთა გულების გათბობა სიყვარულის უდიდესი ძალით!!! დაე რწმენითა და იმედით გაბრწყინებულიყოს თქვენი სული!!!
გისურვებთ გზას, რომელიც სიწმინდეებთან მიგიყვანთ, სიყვარულთან მიგიყვანთ, გისურვებთ დაინახოთ რომ სიყვარული ძლიერია!!!
იყავით ბედნიერები, იყავით მხიარულები, იგრძენით ახლავე  სიყვარული, იგრძენით გულში, იგრძენით იმედი და ბრწყინვალება. საახალწლო ბრწყინვალება, თქვენს გულში გადმოსულიყოს და მას გაეთბოს თქვენი არსება!!!
გილოცავთ!!!

***

მოვიდა დიდი სიხარული ჩემს ცხოვრებაში,–
მე დავინახე ლამაზი მთა, მდელო მდინარე,
მე გავიგონე ბულბულების ნაზი ჰანგები,
მოვიდა გრძნობა ბუნებისა და სილამაზე.

ღრუბლებში

ღრუბლებში წავალ, გავფრინდები, გავილაჟვარდებ,

ლამაზ ღრუბლებზე სეირნობით გულს გავიხარებ,

ანგელოზთ შუქით მთვარის გვერდით გავინავარდებ,

ლამაზ ვარსკვლავებს გვერდით ვნახავ და ჩავიხუტებ.

9.01.2016

ციცინათელა

ღამის ყველაზე ლამაზი მწერი ციცინათელა,

ალმასებივით რომ ბრჭყვიალებს მისი ნათება,

ღამის სიბნელის სილამაზე პატარა შუქი,–

შენთვის სიმშვიდის მომგვრელია ლამაზი სული.

ვზივარ შევყურებ სილამაზეს ზღაპრულს, მშვენიერს.

მათი ნათებით, სასწაულით მთვრალი ვარ უკვე,

ვზივარ შევყურებ ალმასების უდიდეს ბუდეს

და ჩემი სული მათთან ერთად დაფრინავს უკვე.

ღამის ყველაზე ლამაზი მწერი ციცინათელა,–

ეს ქმნილებაა საოცარი დედაბუნების,

ეს მშვენიერი მწერი არის ნაზი ნათება,

ბუნებას ერწყმის ღამის ლამაზ ათინათებით.

24/6/2018.

სიყვარულის გრძნობის გაზრდა...

სიყვარულის გრძნობის გაზრდა,–

მთავარია ჩვენში.

ვიბადებით და ვიზრდებით

სიყვარულის გრძნობით.

მტერია თუ მოყვარეა,–

ყველა შევიყვაროთ,

ყველაშია ღმერთის ძალა,–

მხოლოდ დავინახოთ.

ბოროტიც კი ქვეყანაზე,–

სიყვარულით ცოცხლობს,

უამისოდ ვერ იქნება,–

ვერ იცოცლებს მხოლოდ.

გავზარდოთ ჩვენ სიყვარული,–

გული გავიხაროთ,

ვიფრინოთ და ვიხალისოთ,–

ყველა შევიყვაროთ.

სიყვარულის გრძნობის გაზრდა,–

მთავარია ჩვენში.

ვიბადებით და ვიზრდებით

სიყვარულით ერთით!!!

26,06,2018